I'm The Bescht

Song von Dänu Brüggemann zur Einweihung des Gartenkönigs Pluto am 4. Juni 2005

Mit Klick auf das Bild starten Sie den Videoclip «I'm The Bescht». Zum Betrachten des Videos benötigen Sie den kostenlosen Adobe Flash Player.

Wenn i hie ir Höchi stange
git’s für mi keis Hindernis
Himmelhöch wo d’Stärne prange
isch die Wält e Muggeschiss …

Ja, i stah da uf däm Pluto
— uf dä Pluto stahn i sehr!
Isch d’Wält da unde lut
oder gar lärmig oder quer
mues da gar nid gross druf ygah
Spilen i mir eigne Liga
Ha mis ganz eigene Fescht:
I’m the Bescht!

I stah wyt über der Meute
wo zur Mehrheit jubiliert
Me kennt ja Land und Leute
und isch o nid grad schockiert
git es drunder hin und wieder
o mal Missgunscht oder Niider
I stah fescht uf mim Podescht
— I’m the Bescht

U du weisch wie’s geit
s’isch gly mal gseit
dä Pluto heig doch eine i der Chrone!
Doch wär hie steit
besteit dä Tescht:
Babe — Oooh Baby I’m the Bescht!

Wenn ig d’Ouge zäme kneife
gsehn i d Ameisen im Tal
Gseh die Lüt da unde reifle
und es längwylet mi bau
Mues der Blick de wider häbe
La ne schweife — aber äbe:
Nüt als Ussicht Oscht und Wescht
— I’m the Bescht

Ja, s’isch einsam a der Spitze
Es isch lonely at the top
Doch was einzig da chönnt nütze
wäri mal e flääsche Flopp
Was i ou probiere
cha ke Buuchlandig platziere
U’s chläbt a mir wiene Pescht:
I’m the Bescht!

U du weisch wie’s geit
s’isch gly mal gseit
dä Pluto heig doch eine i der Chrone!
I ha’s ertreit
mit Heiterkeit
Babe — Oooh Baby I’m the Bescht!

U so löht Ech nid geniere
So isch nun mal mis Los
Eues Hurra-Gmöögg und Cheere
das stört mi ja nid gross
und wie gseit, i akzeptiere
ungezwunges Aploudiere
So we’s di gluschtet — be my guescht!
S’isch wie’s isch und fuck the rescht:
I’m the Bescht